梁詠琪、周汶錡、官恩娜個個都嫁老外，對方唔係高大就係生得靚仔兼有米，真係搞到唔少港女都恨有一個老外男朋友。徐子珊同Moni經常都要分隔異地，Long D 感情唔係靠WHATSAPP就得，知道子珊讀緊珠寶課程走唔開，喺新年嘅時候，Moni專登飛過嚟陪徐子珊做節。就連女友要出席活動，Moni都飛過來撐自己，默默企係女友，呢一下已經冧晒啦!

拍拖離唔開晒恩愛，徐子珊未開instagram之前，唯有靠男友單方面放閃，面貼面、胸貼胸。就算大把網民認到呢位係嚟自香港大台嘅一姐，起勢問佢哋兩個係咪拍拖都好，Moni一直都唔回應，只係默默地用啲心心icon去表示，直情係讓全世界都知佢哋低調。Moni咁識得護住女友，難怪徐子珊今個月出席活動嘅時候，春風滿面啦!

资料来源：苹果日报