究竟G.E.M.鄧紫棋係咪得罪咗造型師？

做咩姐你.jpg由大媽look、粗髀配窄身皮褲，進展到噚晚(22號)現身深圳出席QQ音樂巔峰盛典呢個look，芥辣黃毛毛褸，粉紫色push up bra，十足十un un一樣嘅超短高腰褲，外罩漁網——全然無法捉摸的品味。

那個push up bra，膠膠地，打燈落去會反光，中間拉鏈設計，一拉落去……唔想再想像落去。

G.E.M.喺頒獎禮上連摘「港台最佳女歌手」同「最佳唱作專輯」(《新的心跳》)兩個大獎，領獎時當然要上台「X叫」唱幾首以饗觀眾，當時G.E.M.就係以呢個Look上陣，形容之謂「升級(cup？)版戰衣」。

跳到咁上下，G.E.M.就除咗件毛毛褸，係咁揈來揈去……有網民話睇到流鼻血，亦有人大叫:「插盲我對眼pls！」、「不只是我一個人覺得低俗」、「你還是穿皮褲吧!」有人直指:「你估你真係Taylor Swift？」

也有網民話，其實最無奈嘅，係噚晚喺現場嘅觀眾，同埋幫佢伴舞嘅Lego人。G.E.M.總共唱咗三首歌，分別係《Get Everybody Moving》、《瞬間》同《新的心跳》，合共7分鐘。鏡頭一影住G.E.M.嗰對push up胸之際——Thx God，有字幕遮一遮。

Get Everybody Moving!

来源：苹果日报