「宇宙最強」甄子丹帶同胞妹甄子青出席活動，丹爺都有52歲，細妹子青皮光肉滑，天生一副童顏look，一啲都唔似41歲！原來子青凍齡妙法，就係經常做運動咁簡單！

丹爺有意力捧細妹做打女：「子青佢功夫好勁，娛樂圈要搵打女好難，我特登搵佢返嚟，簽咗我公司，佢係由細練到大，功夫上超越好多人，會安排佢參與電影演出。(你親自叫佢返嚟？)親戚個親，妹嚟。(兄妹檔演出？)睇我太太嘅安排，佢對每個人都好fair，都係要自己努力同靠自己嘅實力。佢哋本身有potential先會簽佢哋，唔會因為佢係家庭成員。」

下頁有子青生活照。

甄子青經常於微博晒跟哥哥合照，其中一張丹爺搭住子青膊頭嘅兒時合照，可見丹爺十分痛錫細妹！

雖然子青已41歲，但蛋白肌實在太滑溜，仲索過好多後生女！除了睇得，子青身手亦好敏捷，皆因從小到大都有練功！

来源：东方新地