自同伍允龍八年情玩完，嘉欣BB嘅感情事就進一步密封，但原來唔聲唔聲，月尾將會下嫁前無綫集團主席梁乃鵬嘅姪仔。

據知，嘉欣BB去年經家姐Annie介紹，認識喺溫哥華開設脊醫診所嘅Jeremy，診所暫時僱用7個員工，對方年薪更高達百萬加幣，折合接近6百萬港幣，有「才」又有「財」，正宗鑽石王老五一個。

Jeremy同BB發展接近一年，對女友百般遷就，已經令女友屋企人都覺得冇揀錯；再加上早幾個月發現有餡，到依家已經有成5個月，所以，更加要快快拉埋天窗啦！

與此同時，嘉欣BB Instagram有消息指佢會喺今個星期六，即係2月27日結婚。睇嚟由這一分鐘開始計起，唔少嘉欣BB嘅宅男粉絲，要冒住心碎危機度過今個月尾喇！

来源：nextplus