为咗头家，康华努力北上拍剧揾人仔，不过岁月冇催残佢㖞，仲点睇都唔 似 44岁添！ 大台捱足 13年 养 80岁病母 44岁康华穷到食隔夜饭盒 啱啱播完大结局慨古装剧《刀下留人》，喺大家都无乜期望之下，又竟然 令大家有啲惊喜，仲令复出拍港剧慨康华万贵妃弹起咗添！ 94年选港姐出身慨康华直至 07年离巢期间，捱足多年连女二都未做过， 人工有几多可想而知！要独力养起成头家，照顾 80岁患病双亲的康华，当 年仲试过喺剧组放饭期间偷偷攞多个饭盒留来下餐食，康华谂起都心 酸。“我系最主要照顾我爹哋妈咪慨人，好惨淡㗎！” 与谭小环同届选港姐，如今谭小环都要卖鱼蛋时，乜奖都无的康华难道会 风光过冠军港姐？其实康华 07年已经正式离巢， 12年先再同大台签部头 约，家阵主力返大陆揾人仔。

悭钱偷饭盒 “嗰阵时浑浑噩噩，参加咗香港小姐之后跟住就有监制揾喇，又唔识得珍 惜，又唔识得去表现自己慨！嗰时唔识谂，无乜脑㗎！人哋派咩工作俾我 就做啰！”主持综艺节目《花弗新世界》二年后就被调到戏剧组拍剧。拍 足 13年剧，康华一直当不成花旦，收入不高，惟有各方面悭钱。 “要返多几份工啦，夜晚入厂都要同佢哋度时间去教跳舞，赚慨钱返嚟都 交晒告票（泊车抄牌），尽量食饭盒啰！一个剧组有时有人唔食会多咗出 嚟，我就会攞返屋企当晚餐啰！偷多一个啰……如果我早 10年整靓啲个 样，可能会发展得更加好！我成日觉得我唔够靓，唔靓女，或者唔得啰， 所以咪唔得啰！ 44岁先得啰！好过无啰！我不嬲都默默耕耘，我又唔想用 其他途径得到人哋注意，我想好踏实咁好好哋去做一个演员。做戏，我系 钟意，真系好钟意，所以我好俾心机。虽然依家迟咗少少，但系都好过无”

巴打赞索又好戏

万贵妃和皇上痛失皇太子呢一幕，就俾网民大赞系康华个人演技大晒晒冷喇

回港客串 去年康华趁有时间，都返咗香港帮大台客串咗几集《纯熟意外》。（网上 图片）

自细已经学跳舞，所以选港姐后，连曾志伟都取笑康华话：“东华你做 晒”的确系，由 opening、中段到 ending都可以见到康华跳舞！图片 离巢做女主角 拍足 13年剧都等不到上位机会， 07年康华收到大陆一个女主角剧本，刚 好同年与大台约满，康华决定搏一铺，不过自己一个返大陆又确系好难 捱。“我试过喺哈尔滨，零下四十几度慨地方，我贴晒成身暖包，着咗 13 件衫， 6条棉裤，啲雪去到膝头以上，行都要自己搬起只脚，仲生晒冻 疮，住慨环境好差，住军人慨军营，全部人都唔识，有其他演员家底好， 话顶唔住就走，我就咬紧牙根都要过埋呢啲关口。”

到 12年乐易玲亲自出面与康华倾回巢合约。“系乐小姐同我倾番嚟呢份合 约。佢俾好大自由度我，要好多谢佢。佢话‘好多嘢都可以配合，你自己 考虑，如果做到咪做啰！’呢啲机会好少有！”

07年与郭晋安合作拍大陆剧《八仙王传》，有香港人喺身边系笑得开心啲 慨！

07年康华第一部大陆剧《侠骨丹心》，之后多次遇上对手温兆伦， 2个都 来自香港同声同气，慢慢都成为好朋友。（网上图片）

康华在大台的日子，多饰演奸妃或情妇，唔怪得佢话想做正派《苹果日 报》图片 多谢高登先 多年辛苦揾钱，康华主要想令已年过 80的双亲过得好一点，但可惜北上却 令自己少了与父母相处时间

“我系最主要照顾我爹哋妈咪慨人，好惨淡㗎！我啲亲戚都话，你真系好 喇，揾埋揾埋咁多送俾医生，下次我做医生呀！妈咪心脏有事，咁有时做 body check，好贵㗎！所以我先多啲留喺香港拍嘢，照顾佢哋。” 原来康妈妈近年因心脏有事，已多次出入医院，最近一次康华返港，见妈 咪足足瘦了 30磅，更几乎认不出妈咪，更令康华想多留时间在港。 今次《刀下留人》成功令康华弹出，康华千叮嘱万叮嘱要多谢高登和公 司，“首先要多谢高登慨巴打丝打们，俾咗呢个‘最正贵妃’慨名我！到 依家为止我最钟意都系《刀下留人》呢个角色，因为有得发挥嘛！我觉得 我喺大陆做咗咁耐，原来我喺情感呢方面慨发挥系比较擅长，喺香港比较 少呢个机会，所以今次好多谢监制罗镇岳同埋编审冼翠贞，好感激呢两位 伯乐。”

康华最后仲话其实佢想做正派角色多啲，大台想留住康华个人同个心，识做

高登封咗康华做“最正奸妃”，康华即话：“好多谢佢哋，我当攞咗奖㗎 喇！”

吸收小鲜肉

康华话有小鲜肉主动追求，虽然点都唔开名，不过喺康华微博，唔难揾到 佢同后生仔慨贴头合照㖞！（网上图片） 《刀下留人》入面，张景淳饰演皇上好冧康华，原来戏外康华都宁舍吸引 小鲜肉㖞！ “依家无拍拖，不过都有追求者，但系个个都细过我㗎！廿零岁咁啰！初 时唔知㗎，到后尾识咗时倾偈佢哋至知，我会同佢哋讲‘姐姐唔啱 你！’都几好笑！”

其实康华保养得咁好，点睇都唔似 44岁，连佢自己都话：“我知道自己过 咗 40岁，不过唔系你哋大字标题写我 44岁，我真系唔记得呀！” 唔怕冇拖拍 康华出道至今都冇同圈中人传过绯闻，反而 05-07年期间就被影过同二位 男士过从甚密。不过咁，康华话自己已经过咗想拍拖、结婚慨年纪，一切 随缘㖞！

07年老外与低胸康华外出食饭，仲情侣装添！《苹果日报》图片 06年康华带老外朋友出席首映初见传媒，笑得劲冧。《苹果日报》图片

陪中佬 06年被影到和一位中年男士行商场。 知心闺蜜 康华在大台捱足十几年，好朋友唔多，但知心姊妹总有几位慨！睇吓康华 点讲

佘诗曼 之前有唔开心，佢好似知道咁自动打电话俾我，问完我咩事后，佢又识开 解我，教我点样放开啲，就算佢几忙都好，佢总会抽到时间陪我倾电话， 或者见面，佢对朋友系好有 heart。（网上图片）

万绮雯 之前同佢拍过几部剧所以熟络咗，今次应承做访问，都系佢 push我做 㗎！系佢话我知喺呢个时候我应该做啲乜，又叫我唔使惊同记者倾偈，我 有心事都会同佢倾！（网上图片）

杨怡 佢系一个又靓，又善解人意，又抵得谂慨女仔，同佢一齐好舒服，咩都讲 得。我成日都话，如果我系男人，我一定会娶你！《苹果日报》图片

大台用人一向唔兴讲实力，除咗康华之外，其实好多大台姐仔十几年青春 俾晒大台都做唔到女主角，真系谂起都觉得可惜呀！

2000年参加港姐入行，拍过好多经典剧好似《心战》同《金枝贰》等，曾 三度提名最佳女配角，可惜次次都冇奖攞，亦冇机会做女主角，最威水可 能系同金牌监制戚其义拍拖。

《苹果日报》图片 罗敏庄 原本唱歌出身， 98年开始入大台拍剧，至 13年拍完《猫屎妈妈》后便离 开大台，咁多年未做过女一更加冇乜边套令人有深印象，家阵离开大台专 心相夫（陈国邦）教女（ 3岁陈禛），间中出下发烧碟唱下歌，好过在大台捱。

《苹果日报》图片

刘玉翠

90年艺训班毕业后便签约大台，开头颇受重用，亦试过凭《爱情全保》获 提名最佳女配角，可惜之后刘玉翠在大台角色愈演愈可有可冇，至 11年约 满大台后心淡走人改签 HKTV，可惜 HKTV又开唔成台。黑仔刘玉翠家阵 在大陆发展，即使大台曾力邀回巢，但刘玉翠仍拒绝食回头草。

唐宁

81年出世的唐宁， 92年便入大台做童星，至 02年开始正式加入大台拍 剧，曾在《恋爱自由式》做过女二，曾多次提名飞跃进步女艺员可惜次次 冇份。 10年跟舞台剧导演邓伟杰结婚，并诞下两女， 15年拍完 HKTV《岁月楼情》后，还未有新剧开工，专心凑女。

来源：橘子网