踏入2016年,相信好多電視迷都好想知道,TVB將有咩必睇劇!《新地網》為大家率先順序介紹,上半年必睇重頭劇,等大家先睹為快!

1.《愛情食物鏈》

Clip

Clip_2

劇情講乜:
愛情就如食物鏈般,位於頂層的「高富帥」、「白富美」往往在愛情中如魚得水,而底層的「剩女」、「窮矮醜」則密謀反擊,這場明爭暗鬥的角力賽,既荒謬得可笑,卻亦無比現實,是一套輕鬆的愛情小品。

Clip_4Clip_6

點解睇:

筍盤陳智燊形象正面,必能吸引師奶同OL捧場!而咪神高海寧唔使講係宅男至愛啦!至於金剛同小儀呢對歡喜冤家,肯定為該劇加添唔少搞笑火花!

主演:陳智燊、高海寧、小儀、金剛

播映日期:1月11日

必睇度:★★★ (最多5粒)

2.《公公出宮》

14276824218117660029agw1et3elpjzgdj20qo0hidjw

劇情講乜:

大清亡國,公公們被解散出宮,一直以奴才身份生存的公公被逼重新學做尋常百姓,重新得到尊嚴、自由、自我價值後,公公如何以「常人」的身份活出自己一片天?本劇以嬉笑怒罵的手法,道出四個真假太監(黎耀祥、蕭正楠、曹永廉及陳國邦飾),如何運用在紫禁城所學的生存伎倆求活,幾經波折,終尋到落地生根之所,無畏無懼地生存下去。

7660029ajw1et12j9jlhoj20l90e8wgd7660029ajw1et12jjkol0j20j20cf3z9

點解睇:

可以說係《大太監》延續篇,4位好戲之人黎耀祥、蕭正楠、曹永廉及陳國邦大鬥演技,加埋出爐視后胡定欣及老戲骨姜大偉坐鎮,相信能於賀歲檔搶番唔少收視!

主演:黎耀祥、姜大偉、胡定欣、蕭正楠、陳國邦及曹永廉

播映日期:2月9日

必睇度:★★★★

3.《殭》

Clip_2Clip_3

劇情講乜:
五百年前,男主角刑活著(鄭嘉穎)是一個刀鋒舐血的錦衣衛,在一次與殭屍大戰中被雷電所擊,從此這群錦衣衛就成為了「不死人」。時至今天,刑活著隱藏身份經營深宵食堂,打發無數不眠之夜,還接收一間式微武館,教授何年(黃又南)、簡霆斯(陸永)兩名徒弟武功,帶領他們鋤強扶弱,儆惡懲奸。故事之初,刑活著偶遇心地善良的法醫女主角藍夢南,此時的藍夢南(謝安琪)被封存記憶和能力,忘記了自己殭屍的身份,唯獨剩下能令屍體復活一分鐘的能力。刑活著默默守護在旁,令藍夢南漸漸恢復記憶和能力。然而,天生敵對的身份,令二人相愛變成劫難,重重殺機撲面而來。刑活著為救藍夢南,甘願犧牲,在生死邊緣,他們還發現殭屍與不死人這兩族的起源,竟是來自未來世界!

Clip_8Clip_7

點解睇:
雖然題材有啲似足亞視咸豐年劇《我和殭屍有個約會》,而且劇情被指抄盡中西日劇場面!不過呢套劇無綫揼本到荷蘭拍外景,加上又係陳凱琳同鄭嘉穎因呢套劇而撻着,話題性十足,相信大家到時都會邊鬧邊睇!

主演:鄭嘉穎、謝安琪、黃又南、關禮傑、陳凱琳

播映日期:3月

必睇度:★★★

4.祥毛處境劇救亡

kisskiss1613014505-5

劇情講乜:

故事相信同《畢》及《天》劇差不多,雖然又係圍繞一家人至朋友每天發生的不同故事。

img_3378A135340_2

點解睇:

《愛‧回家》收視慘淡,無綫即搵曾於《畢打自己人》同《天天天晴》合作嘅黎耀祥同毛舜筠開拍處境劇救亡!加上又有好戲之人陳國邦回巢,卡士已經完勝《愛‧回家》啦!

主演:黎耀祥、毛舜筠、陳國邦

播映日期:3月

必睇度:★★★★★

5.《火線下的江湖大佬》

Clip_4Clip_3

劇情講乜:

江湖,是黑道人物必爭之地!過氣大佬鄭則士退下火線經營街坊食店,好兄弟黃光亮出獄後卻誓要東山再起!劇集將會以輕鬆搞笑的方式,希望能帶出守望相助、仗義每多屠狗輩的正面訊息,令觀眾看得輕鬆過癮!

Clip_5Clip_6

點解睇:

睇戲名以為係老版古惑仔劇,原來係講班大佬改邪歸正轉做正行故事!有好戲之人鄭則士同專門搞笑嘅黃光亮主演之外,仲有人氣急升嘅陳煒同岑麗香,配搭耳目一新!

主演:鄭則士、陳煒、黃光亮、苑瓊丹、楊明、岑麗香、陳山聰

播映日期:4月

必睇度:★★★★

6.《末代御醫》

Clip_3Clip_2

劇情講乜:

光緒之死,是中國近代史一個不解之謎,是慈禧下的毒手?是袁世凱的陰謀?或只是純粹死於疾病?由郭晉安所飾演、光緒最信任的御醫,將會在劇中無懼強權的欺壓,為觀眾解開中國近代史上的一大謎團!

Clip_4Clip_5

點解睇:

視帝郭晉安同楊怡首度合作,後者表示十分期待!可能楊怡都覺得齋講醫術有啲悶,所以佢笑言主動要求同安仔加床戲!嘩,講到咁白,咁到時真係要睇吓有幾激喇!

主演:郭晉安、楊怡、敖嘉年、羅蘭、賈曉晨

播映日期:5月

必睇度:★★★

7.《潮流教主》

ClipClip_2

劇情講乜:

頂尖潮流雜誌總編輯、潮流界神級人馬陳豪,在劇中將會盡騷潮流本色,而「MK妹」蔡思貝竟成為他指定的接班人,令她頓時跌入險境。外表光鮮亮麗的時尚界,在華麗背後,卻是個盡藏黑暗醜陋、鈎心鬥角的競技場,每個人均為求生存而戴上假面具、各懷鬼胎!

Clip_3Clip_5

點解睇:

扮演潮流教主的陳豪造型被指酷似「老佛爺」Karl Lagerfeld,佢說:「多謝讚賞,套劇講fashion ,自己都未試過咁嘅造型。」雖然如此,但劇中各有衣服打扮十分華麗,而且又有緋聞男女蔡思貝同羅仲謙演一對,睇吓姣精蔡思貝又有咩冧仔新橋!

主演:陳豪、蔡思貝、羅仲謙、李佳芯、楊秀惠

播映日期:5月

必睇度:★★★★

8.《城寨英雄》

Clip_3Clip_4

劇情講乜:

50年代的九龍城寨,是個三不管的罪惡之城。陳展鵬、袁偉豪兩位身懷絕世武功的熱血青年,既要查出父親被害的真相、亦要繼承父親遺願,把惡勢力趕出城寨。劇集將重現九龍城寨亂世,打造一代功夫傳奇!

Clip_5Clip_7

點解睇:

同《張保仔》相比,今次陳展鵬唔會成日chok,於《城》劇中有超多動作場面,同演打女嘅胡定欣打到甩臂!而袁偉豪同好打得嘅伍允龍於劇中不惜晒肌冧女觀眾,睇頭十足!

主演:陳展鵬、胡定欣、袁偉豪、劉佩玥、伍允龍、元秋

播映日期:6月

必睇度:★★★

9.《EU超時任務》

Clip_2Clip_3

劇情講乜:

首次擔任女主角的朱千雪在劇中飾演衝鋒隊新紮女沙展,意外發現穿梭時空之黑洞,原以為藉此可以拯救生命、打擊罪惡、改寫歷史。怎料歷史被愈改愈亂,事情一發不可收拾,究竟最後又能怎樣扭轉局勢?

Clip_5Clip_6

點解睇:

又係《張保仔》大玩穿梭時空橋段!不過唔係返古代,幾位主角不斷時空穿梭至特定一日,撥亂反正,概念同電影《異空戰士》相似。雖然又係抄橋,但無綫加入重口味元素,王浩信於劇中不但要在晒肌,仲穿孖煙囪孭住雪梨姐喺鬧市吊吊揈,為收視豁出去!

主演:王浩信、朱千雪、袁偉豪、單立文、朱晨麗、苟芸慧

播映日期:6月

必睇度:★★★★

来源:东方新地

Comments

comments