到底一部iPad点先可以变成一个汤碗？除咗搵大卫高柏飞之外，出席大台嘅颁奖礼，都系一个好方法，一向都被指系「iPad身材」嘅郑嘉颖……个女朋友陈凯琳，昨晚出席大台嘅台庆颁奖礼时，谷胸谷到上心口，完全睇唔出佢平时嘅「iPad身材」，不过观众嘅眼睛系雪亮嘅，大家都会知佢一向身材系点，唔会畀幻觉呃到。

陈凯琳表示男友郑嘉颖有工作在身，所以缺席颁奖礼，昨晚呢身低胸打扮唔使畀男友过目。有传嘉颖喺内地藏小三，陈凯琳以半亿嫁妆迫婚，陈凯琳就否认报道，同嘉颖睇完报道都系啖笑。

而视后胡定欣就以透视打扮出席，前面睇若隐若现，後面睇大露背，真系好性感，最好嘅地方系，唔会睇到啲平时冇嘅嘢嘛。黄翠如就着咗一条黑色嘅大露背晚装，都有微微谷胸上阵，不过佢唔小心露咗个「砵仔糕」出嚟。

黄心颖就着咗条红色嘅晚装，一样谷胸谷到上心口，不过同陈凯琳唔同嘅地方，就系心颖BB本身都系身材好，所以心颖BB就唔存在任何「幻觉」。

来源：苹果日报