▲張智霖與佘詩曼(右)因拍劇傳過緋聞,今日道然與太太袁詠儀和阿佘同場,並一齊祝酒,搞到Chilam硬晒軚。

向來緋聞多多,因為帥氣外貌吸引超多狂蜂浪蝶的張智霖(Chilam),終於迎來了這天!他和老婆袁詠儀(靚靚)、佘詩曼、吳鎮宇和張達明為影視展中的「耳東影業大型發布會」站台,他們分別主演的電影《洩密者》和《家和萬事驚》進行宣傳並播預告片。

▲張智霖、佘詩曼、吳鎮宇一齊谷戲。

現場星光熠熠,但最吸睛當然是曾經被傳三角緋聞關係的張智霖﹑袁詠儀和佘詩曼同場,於2000年無綫劇《十月初五的月光》中,演情侶的Chilam與阿佘曾被傳假戲真做,令靚靚要跑去現場探班「昅實」。

當三人祝酒時終於碰面站在一起,Chilam站中間,老婆靚靚和阿佘則站左、右邊,當時大家都沒有互望,而Chilam則表現得「硬晒軚」,只是直望,最後由阿佘打破僵局,主動與靚靚碰杯,她們面帶笑容。

▲佘詩曼打破僵局,主動向袁詠儀和張智霖祝酒。

▲大合照見到阿佘、張智冧、靚靚一齊祝酒。

老花站錯張達明的位

及後阿佘接受訪問時被問可有尷尬?她說:「冇呀!點解?(你哋之前傳過緋聞?)啲人寫啫!」旁邊的Chilam搭訕:「寫啲人別有用心!(三人試過同場?)有試過,Party常見啦!(打招呼?)梗係有!」

▲袁詠儀表示與佘詩曼相熟,探班時見過面。

由於Chilam於站台時在兩個女人中間表現硬晒軚,Chilam解釋:「唔通軟晒咩?軟皮蛇呀?其實我企錯位,唔知下面有貼紙(指定位置),原來個位係達明!」旁邊阿佘即取笑老花。

站在靚靚身邊一定硬

至於靚靚亦被追問老公的硬晒軚表現,她說:「吓!好正常啫,有乜出奇,佢企喺我身邊唔硬晒,咁會企喺邊個隔籬會硬晒呢?(企喺阿佘旁邊囉?)我哋都熟。(有幾熟?)唔係好熟啫!不過公開場合都會打招呼,以前去探Chilam班都有見過幾次,呢啲(打招呼)係正常禮儀。(頭先尷尬?)點解呀?(佢哋傳過緋聞?)我都同好多人傳過緋聞,而Chilam都有同好多人傳啦,咁我哋咪好唔得閒!大人喇,唔係細路,冇乜好尷尬!」其後靚靚皺眉稱:「結束話題啦!」

▲及後,靚靚顧着和古天樂宣傳…

▲之後又顧着和張達明宣傳,不見靚靚再和阿佘合照。

图文来自: on.cc

 

Like Rojaklah Facebook!不出门也能知天下事~

 

Comments

comments