现年42岁的佘诗曼,不但止是圈中有米富婆,还越来越有女人味!近日接受访问时更自爆有拖拍,还有可能随时闪婚呢~

佘詩曼:一直有拖拍
16年離巢無綫,轉往電影界發展又北上搵真銀,佘詩曼終於回歸香港同老拍檔黃子華合拍賀歲片《棟篤特工》。等到頸都長,農曆新年,《棟篤特工》正式公映,阿佘聯同子華及一眾演員密鑼緊鼓四出為新戲宣傳造勢。

離巢後人氣、片約繼續上揚,工作排到密密麻麻,平時唔使開工都係同七魔女聚會或者做孝順女陪媽媽,不少人擔心42歲佘詩曼疑似感情多年空窗冇著落,阿佘就自爆雖然目前單身,不過多年來斷斷續續都有拖拍:「呢幾年梗係有拍過吓拖啦,不過就梗係唔話畀你哋知啦,咩都話畀你哋知咩!如果有穩定戀情被影到或者公開咗,我覺得都好自然,若果真係成事嘅時候,一嚟係開心事,二嚟想避都避唔到,到時都會同人分享,等我好消息,OK?」

佘詩曼入行21年,多段感情對象都是圈內人,佘詩曼話其實圈內外都冇所謂,最緊要溝通到,唔怕冇話題。


佘詩曼42歲佘詩曼自爆一直有拖拍,現時雖然感情空窗期,不過就唔排除遇啱人選即閃嫁。

至於依家感情狀況,當然不乏追求者,但追求人士亦都貴精不貴多:「追求者唔使咁多,好嘅一個就夠,我又要做嘢,應付唔到咁多人。我諗呢啲嘢要睇緣份,有時人哋刻意討好,我會唔知佢想點,但好自然令我欣賞佢,我覺得最舒服,先至會長久,因為我欣賞嘅係真正嘅佢,遇著啱就唔等喇,呢個年紀仲邊有咁多時間醞釀呢?所以我覺得唔排除閃婚呢個可能性,遇到啱就會去做,但單身生活我都享受,唔會為結婚而結婚囉。」

佘詩曼在內地拍完劇,再宣傳埋賀歲片,佘詩曼過年後將會投入戚其義新劇拍攝,更是入行以來第一次演律師。

佘詩曼七魔女相交多年情同姊妹,除了結過婚更離埋的梁靖琪,剩番佘詩曼一個未嫁。


佘詩曼好姊妹個個做媽媽,佘詩曼都爭住認上契,包括周家蔚兒子TJ及姚樂怡女兒Gaibe在內, 現時已經有成10個契仔契女。


佘詩曼姚樂怡女兒Gaibe亦係佘詩曼契仔契女之一。

過億身家五樓揸手
佘詩曼由97年選港姐紅到依家、肯做肯捱有價有市,最緊要亦都投資有道,正如范冰冰講過:「我不嫁豪門,我就是豪門!」阿佘毋須為結婚而結婚,皆因名下物業豪宅遍布港九新界,嫁妝粗粗哋都過億,搵另一半絕對要小心揀:「擇偶條件,我諗要好似全盒咁,乜都有啲,唔需要超級靚仔、唔需要超級有錢,或者超級叻,但係唔係好樣衰、唔好太廢咁囉,個個見到全盒都好開心,我都想搵一個我會欣賞嘅人,啱傾啦,同埋要read到大家嘅mind,起碼唔會講完嘢之後唔知講乜。其實我冇刻意去揀邊一類人,我諗圈唔圈中人各有各好處,同圈外人生活可能會正常啲,同圈中定圈外人拍拖始終都有啲分別嘅,我未試過,我又真係唔知得唔得。」

佘詩曼幾時都話買磚頭係最佳投資,出道21年密密做,佘詩曼將大部分片酬及廣告酬勞用來買樓收租投資,賺多過蝕,目前手上五個物業市值已經過億。


佘詩曼佘詩曼現居的西貢南山獨立屋,屬於西貢優質地段之一,15年一次過扑槌購入兩幢相連獨立屋,同感情要好嘅媽咪一人住一間,既可互相照應,又可保持私人空間。


佘詩曼佘詩曼目前有五樓揸手,坐擁過億嫁妝。

佘詩曼運程書都話屬兔今年運勢一流,果然一立春,佘詩曼在2018年出席團年飯局就同自組的工作室拍檔一齊抽到大獎,一步入狗年就應驗超強運勢!


佘詩曼佘詩曼個人社交網絡相片除咗契仔契女,最多就係拉麵、和牛各地美食,皆因阿佘話要靚首先要保持心境開朗。


佘詩曼美食要食、運動要做,個人保養亦不能少,佘詩曼話:「我成日去溫差大地方開工,我就最注重保濕,早晚一塊mask,亦都堅持隔日一杯紅蘿蔔汁。」

七年之癢再合作
七年前合拍電視劇《絕代商驕》,佘詩曼與黃子華首度合作已經擦出火花,創出40點全年最高收視紀錄。七年後移師大銀幕再發放連場笑彈:「我哋兩個冇七年之癢,一拍就即合番!子華今次唔止係演員亦都會參與劇本,佢好了解我,知道我底線同埋尺度去到邊,所以呢個角色真係佢度身訂造畀我做。話說因為佢個角色曾經嚴重欺騙過我肉體同心靈,所以我用盡畢身精力去追殺佢,由交通警做起捱到上保安局局長,就係為咗用最大權力所有方法去趕盡殺絕佢。呢個角色因為感情受創、內心嚴重扭曲,鬱到個面容都扭曲,所以我講句嘢都係戚起個嘴角,從未試過咁樣衰刻薄⋯⋯唔知係唔係因為子華見到我個樣咁樣衰啦,可能驚我搶咗佢啲戲,所以佢就整咗好多仲樣衰過我嘅造型出嚟,務求冚咗我啲戲囉。」

佘詩曼與子華七年後再合作,佘詩曼自言沒有七年之癢,反而因為子華對自己了解十足,角色度身訂造夠晒啱身。


佘詩曼七年前拍完神劇《絕代商驕》 後,七年後再拍賀歲劇《棟篤特工》,有份編劇的子華神更為女主角佘詩曼度身訂造角色。
佘詩曼廿年前情傷,廿年後佘詩曼爬到上保安局局長為報仇追殺子華神,所 以話小心女人,千祈唔好得罪!

佘詩曼有獨門凍齡秘訣
佘詩曼薯條、漢堡包,佘詩曼一個人 成個麥記餐都仲叫肚餓,為食得嚟仲好可愛。


佘詩曼勢估唔到身形fit到一個點嘅佘詩曼在拍攝現場食不停,更狂飲汽水。


佘詩曼點解食極都唔肥,佘詩曼話原因好簡單:「因為我係必瘦站代言人吖嘛!」

念舊再拍戚其義
子華神都驚畀人搶戲?佘詩曼澄清純粹講笑啫:「其實子華份人做嘢時好正經,拍戲時冇整蠱我仲去得好盡㖭!有時啲造型樣衰到我都笑佢:『嘩!乜你咁都制!』為套戲真係好大犠牲!」忙完《棟篤特工》宣傳就會收爐,過完農曆新年,阿佘就話除咗同梁家輝合作的《西伯利亞風雲》同宮廷劇《延禧攻略》會輪住推出,自己將會投入戚其義監製新網劇拍攝:「我成日上網睇粉絲留言,好多人都話我咩角色都做過,係未做過律師,想我做律師喎⋯⋯今次率先爆畀大家知,過完年拍戚其義監製、周旭明編審新劇我就真係做律師,大家滿意啦?對我嚟講就真係好大挑戰,要我做好多功課,考我記憶力。至於個班底呢,幕後幕前都係合作開班底,女主角你哋知啦,男主角就要賣個關子,遲吓至公布得!」

佘詩曼揀男友,佘詩曼話最好似個新年全盒一樣,樣貌、 事業、才華樣樣有啲,見到就開心滿足。


佘詩曼過年前,佘詩曼剛剛從哈爾濱回港,與梁家輝拍攝新戲《西伯利亞風雲》:「家輝哥係我偶像,第一次合作真係好緊張,不過佢好nice,好樂意提點後輩。」


佘詩曼過年後即將投入新網劇拍攝,佘詩曼透露班底是合作開的金牌監製戚其義,不過男主角就要遲吓公布。

佘詩曼屬兔的阿佘聽講自己生肖今年事業和人緣不俗,都話要買番棵桃花放在家中催吓姻緣。
佘詩曼雖然享受單身,身邊又有大把好朋友錫,佘詩曼表示還是期待愛情降臨,遇啱對象更加不會再浪費時間,盡快嫁自己出去。

佘詩曼佘詩曼媽媽前衞有型仲keep得好,阿佘孝順得嚟,亦深得媽媽真傳,靚足咁多年。


佘詩曼個個女星都自稱素顏其實化咗淡妝再用PS加工,42歲佘詩曼真正天生麗質,經常以真面目示人。


佘詩曼正所謂真人不露相,早前電影海報美腿風波激勵佘詩曼晒出真 ‧長腳示眾,其實絕對比起腿模有過之而無不及。

来源:东方新地


Like Rojaklah Facebook!不出门也能知天下事~

Like Rojaklah TV Facebook!随时观看Video,给你Happy给你FUN❤

Comments

comments