喺娛樂圈唔少人都話要靠「一命二運三風水」,單靠靚同演技好都未必一定可以走紅,如果可以建立個人風格當然更好啦,好似提起鄭子誠就諗起有陰謀,提起開心果會諗起朱咪咪。向海嵐10年前忽然離開TVB轉往內地做PR,曾經被稱為最強奸人王嘅佢,以下呢幾個角色八九十後一定有印象!

1998年向海嵐參選港姐獲四料冠軍入行,99年代表香港參選國際華裔小姐奪得季軍。近日向海嵐接受商台《1圈圈》訪問,講返當年因為忽然不再受重用,覺得同公司發展路向不一致而決定離開,「喺最後一套劇我由主角變配角,是其中一個令我唔想再留喺TVB嘅原因。其實我唔介意係唔係做主角,到依家都仲有好多人記得我飾演過嘅奸角,只要我嘅角色喺劇中有一定影響已很滿足。」

的而且確,頂住港姐冠軍光環入行,喺TVB拍過23套劇集,向海嵐的確算演得較多奸角,仲相當深入民心。以下幾個角色有忠有奸,你又最鍾意邊個?

1999年初次啼聲,於《刑事偵緝檔案IV》中飾演古天樂女朋友梁芊芊。


2000年擔正主演劇集《楊貴妃》,當時創下36.2點的高收視率,比同期播出的電視劇,位居收視榜首!


同樣係2000年嘅作品,《金裝四大才子》中雲集當紅嘅四生四旦,向海嵐飾演嘅李鳳姐只屬配角,仲喺劇集後段先出現,但其表現相當搶眼,演活江湖女子嘅豪氣,同楊玉環截然不同,令人印象深刻。


2002年夥拍好戲之人陳妙瑛主演《無頭東宮》,為一己私慾同好姊妹換臉,為保靳妃之位做盡壞事,事隔15年依然係網友力捧佳作。


2005年《胭脂水粉》中宋雲裳奸到出汁,為咗復仇搞出連番風雨,向海嵐更憑住呢個角色於2006年奪得由讀者投票選出《TVB周刊最強者氣大獎》「最強者氣奸人王」。


《鳳舞香羅》 — 寶翠瓏 (視覺中國)

来源:hk01


Like Rojaklah Facebook!不出门也能知天下事~

Like Rojaklah TV Facebook!随时观看Video,给你Happy给你FUN❤

Comments

comments