鄺潔楹(Judy)在J2節目《3日2夜》中,帶觀眾遊遍世界各地,但真心講句,大家焦點似乎睇女神多過留意風景,尤其是浸溫泉的畫面,確是可以俘虜無數粉絲的心。不過女神都有煩惱的時候,近日Judy在商台節目《公子會》中,憶述被好姊妹撬牆腳,而前度男友的分手原因,竟然指Judy「個胸唔夠對方大」,若然真是這個膚淺理由,還是早分早著,無謂浪費時間。

Judy在節目中提到跟前度男友分手,而第三者竟然是她的好姊妹,而森美就問她分手原因,Judy苦笑道:「其實過咗幾年,我問返佢(前度)點解揀佢唔揀我,佢竟然話因為個胸唔夠人大。」森美、劉翁及火火等主持全部O晒嘴,皆因Judy身材有目共睹,所以他們一致話是對方的藉口,其後Judy更給了小三的照片給森美他們看,再一次異口同聲話其實Judy無得輸。


節目出街後,不少粉絲都為Judy抱不平,她接受《香港01》訪問表示,對當年的戀情已經放下了,「佢講返個原因,我唔係嬲而係無奈,竟然輸畀一個咁膚淺嘅原因,佢又唔係講話妳有乜做得唔好,咁身材係天上嚟嘅嘢變唔到。你話不是味兒就無嘅,同朋友講返佢哋都覺得好笑,攞出嚟分享下,睇下呢個理由成唔成立。


Judy說當年無想過是否分手的藉口,「直至上咗森美《公子會》之後,佢哋就話一定唔係咁簡單,仲要俾埋佢哋睇嗰張相,佢哋話一定係敷衍我。(話妳嘅身材唔好,會不會好Hurt?)由頭到尾都唔覺自己特別標青,如果我係玲瓏浮凸,好似Victoria’s Secret angel咁好身材妳都要飛我,我覺得有少少「你唔係吖嘛,有乜可能身材唔夠人好」,但我又唔係喎,而且可能嗰時身材唔係咁好,17、8歲嗰時,又未發育完成。」

 

不過Judy就堅決不會因為男友喜歡,而去後天「加工」,「一開始揀得同我一齊,本身應該對我有一定程度嘅喜歡,先至會去追求,除非係健康理由啦,例如近排油膩嘢食多咗,叫我去做運動,如果話我唔夠人好,你去追其他人囉,當年我都心諗,佢係大啲嘅。」Judy回想起失去了這個拍了1年半拖的男友,認為雖然經過係殘忍,跟她的好朋友一齊,但不用拖下去也是好事,她笑言跟前度還可以做回普通朋友,但那位撬牆腳的姊妹,「做唔返姊妹啦,個心始終有芥蒂。」希望Judy快些搵到真命天子啦!

来源:hk01

 


Like Rojaklah Facebook!不出门也能知天下事~

Like Rojaklah TV Facebook!随时观看Video,给你Happy给你FUN❤

Comments

comments