52岁城城有心有力,开足turbo追儿子,誓言做高龄产”父”!网民:没问题,最重要他老婆够嫩口~


天王郭富城(城城)出席新春慶典,身穿藍色唐裝的他戴黑超,翹住兩個財神行紅地氈入場,十分風騷。他在台上拆開兩個大利是封,裏面各寫住「強」字及「旺」字,他又向在場市民拜年。司儀問到今年新年怎樣過,是否很熱鬧?他說:「係呀,多咗個女,結咗婚,家庭生活十分圓滿,係好開心好開心嘅事。(係咪喺屋企過?)過去咁多年放假嘅時間都好短,今年就提早將電影宣傳喺過年前完成,另外部戲就三月底先開拍,所以依家好好享受家庭樂,一直渴望有自己寶寶,上年生咗個女好開心,多謝大家對我嘅祝福,依家做爸爸嘅心情都仲係好興奮。」問到有何新年願望?52歲他開心豪言:「追多個仔啦!」並謂希望可以拍三部戲,下半年就舉行巡巡演唱會,開50場。之後他就抱起狗狗影相,又幫醒獅點睛。

努力造人

受訪時城城表示今年特別開心:「屋企熱鬧咗好多,有小朋友係好熱鬧,尤其是依家差唔多五個月大。(你媽咪特別開心?)成家都好開心,成個世界真係快樂咗好多,希望寶寶身體健康、快高長大、聽教聽話、孝順父母。(願望係咪想追多個仔? )其實媽媽都鍾意,佢成日叫我快啲追多個仔,抱孫女都唔夠,想抱多個孫仔,我哋都好孝順,會盡量努力,但順其自然,希望今年可以追多個仔。(想生夠幾多個? )如果太太方媛唔怕辛苦,我都想生佢多啲,一仔一女係現代社會足夠,但如果佢唔辛苦可以生多幾個。」

挑戰幫囡囡沖涼

城城亦謂雖然工作辛苦,但返到屋企就會有溫暖:「人生有咗BB好圓滿,追多個仔就滿上加滿,盆滿缽滿!」他又讚經理人小美幫他好好安排工作,可以有時間陪家庭。他又講到有餵糊仔給囡囡食,問到可有幫手換片?他笑言:「喺側邊睇囉,希望下次可以挑戰沖涼啦,驚整親佢,見過太太幫佢沖涼濁親,飲咗啖水,自從咁樣我就唔敢啦。(係咪難過跳舞?)難好多!要小心驚整親佢,又要氹佢瞓覺,希望做嘢之前可以帶佢出街玩,帶佢去公園玩係我下一個目標。(唔係想佢識講爸爸先咩?)未咁快,爸爸媽媽遲早都會識叫,但好奇佢會講講廣東話定普通話先,因為我同佢講廣東話,但太太就講普通話。」他又笑言太太不捨得拆囡囡的利是:「佢話想留番做個女啲嫁妝。」

来源:东网


Like Rojaklah Facebook!不出门也能知天下事~

Like Rojaklah TV Facebook!随时观看Video,给你Happy给你FUN❤