近日社會上有不少亂倫案曝光，事件令人髮指，又為苦主心痛，想不到這股歪風，竟然吹襲到民風守舊的平安谷，近日劇情發展到鄭子誠飾演的醫生賈東陽，表面是好好先生，但竟然意圖侵犯女兒淼淼，而飾演淼淼的簡淑兒透露：「佢(鄭子誠)分唔清老婆同女，仲想搞我」，鄭子誠仍是走不甩做壞人的魔咒，最終由獸醫變獸父。

鄭子誠在劇中表面是好好先生，想不到會借醉侵犯女兒簡淑兒。
鄭子誠和簡淑兒在劇中飾演一對相依為命的父女，感情相當要好，但原來這個二人家庭，竟然隱藏着不為人知的陰暗面，而鄭子誠在一次醉酒時，叫女兒穿上老婆的衣服，更意圖侵犯女兒，在合家歡時段加入重口味情節。簡淑兒接受《香港01》訪問，她表示：「因為劇裡面我媽媽涓涓，係同我一個樣嘅，咁都係我飾演返。佢(鄭子誠)分唔清老婆同女，之後仲想搞我，好彩北杏(沈卓盈飾)救返我。」

簡淑兒唔想再俾人搞，跟隨謝東閔逃出平安谷，卻被村民捉住並用石掟他們。 問到會否覺得鄭子誠的行為很變態，想不到簡淑兒卻笑說「子誠好搞笑，成日同我哋講佢係好人，唔係壞人。」簡淑兒坦言其實這場戲很難演，「淼淼好細個好多嘢唔識，但隱約知道唔妥，同時佢好錫爸爸，唔想傷害到佢。」不過粉絲不用擔心簡淑兒安危，之後謝東閔會帶她出省城，「我哋唔係走得咁順利，初時仲俾人捉返，班村民仲用石頭掟我哋，直至徐榮佢哋入村，我哋先走到。」

来源：hk01

Like Rojaklah Facebook！不出门也能知天下事～

Like Rojaklah TV Facebook！随时观看Video，给你Happy给你FUN❤