艺人胡杏儿今日(6日)38岁生日,上个月佢为老公李乘德生咗囝囝Brendan后,就一直喺屋企坐月。咁坐月点过生日好呢?杏儿梗係约埋一班好朋友、咪即係胡说八道会一班成员,好似胡定欣、李施嬅、胡蓓蔚、姚子羚、黄智雯一齐庆祝啦。相信一班成员为咗迁就坐紧月嘅寿星女胡杏儿,就齐齐去咗杏儿屋企庆祝。

生日派对个主题係以睡衣为主题,每位成员都着晒不同类型嘅睡衣出席,仲好大胆咁素颜上阵,其中姚子羚更唔介意以「表哥」小眼睛示人,认真大方!而胡蓓蔚则手抱连一个月都未够嘅Brendan,仲揿住佢个额头仔话Brendan教紧佢哋摆甫士。

李施嬅喺社交网上载咗生日会照片,仲留言话:「Happy birthday to伟大妈妈Myolie (胡杏儿)!见到你完全充满爱,完全付出给BB和身边的人,有点心痛你的辛苦但是很感动的。今年生日特别有意义,等我哋一齐陪你坐月啦。baby Brendon实在太搞鬼,表情多多,见到一班契妈的坐月妆都冇眼睇。Healthy and beautiful and happy always.#胡说八道会」

另外,睡衣主题原来係杏儿老公谂出嚟,杏儿喺ig多谢老公话:「多谢老公,知道我哩一个月来每日都係着睡衣,所以特别叫胡说八道会全部着晒睡衣嚟比个surprise party我,搞到我又惊喜又感动,又特别买左我最想食嘅salted caramel crepe,thank you hubby,亦多谢Nann安排一个咁爆嘅蛋糕比我,真係多人锡,多谢大家嘅祝福!!」

资料来源:hk.on.cc


Like 玩嘢兄弟团 Facebook!带大家玩翻全马high翻天~❤

Like Rojaklah Facebook!不出门也能知天下事~

Comments

comments