洪永城在分手聲明中，刻意強調分手唔涉及第三者，不過根據可靠消指今次唐詩詠同洪永城分手，導火線係因為洪永城有第三者，而呢個第三者就係蔡思貝。在去年年頭，洪永成同蔡思貝拍《味想天開》時，出名姣同玩得的蔡思貝，主動撩向來貪玩的洪永城，雖然當時兩個分別都有另一半，不過佢哋都玩得好埋，仲約埋一齊去做運動，件事被報道出來，在有圖有真相情況下，唐詩詠仲好信得過男友。

點知今年初洪永城同蔡思貝因為要宣傳新劇，佢哋又再經常情侶檔拍住上，遇啱蔡思貝俾男友麥秋成飛甩，所以佢成日搵洪永城出來解悶慰籍，佢哋瞞住唐詩詠越行越埋，洪永城更俾人撞破深夜車住蔡思貝，而且件事有人話返俾唐詩詠知道，所以唐詩詠同洪永城當時冷戰左一段時間，唐詩詠仲飛咗去韓國散心，佢在ig發表過傷心留言，暗示不被珍惜，心情跌至谷底，更希望可以短時間上帝賜予我們短暫失憶的時間。

不過話咁快又俾洪永城氹掂，在農曆新年嗰段時間，佢哋和好一齊出席朋友團拜活動。

好唔夠兩個月成，因為拍《大帥哥》，洪永城同蔡思貝又再走埋一齊，當然食過返尋味，有同佢哋同劇嘅演員，睇唔過眼佢哋成日趁未埋位嗰陣䁥埋一二邊談心，於是向唐詩詠通風報信，叫唐詩詠睇實啲佢男友，加上四月嘅時候唐詩詠去咗北京拍《天命》外景，在當地留咗大半個月，呢段時間洪永城完全冇王管，據知喺呢段時間唐詩詠發現洪永城做咗啲，佢唔再接受到嘅事。到唐詩詠返回香港之後，決定忍痛向洪永城攤牌分手。

本刊打電話俾蔡思貝，問佢知唔知洪永城心情點？佢表示：「人哋啲嘢費事去講咁多啦人！（但係有消息話你係第三者？）係咩，咁唔係好方便答你，我食緊飯呀，我⋯⋯我⋯⋯我⋯⋯唔同你講住啦 bye bye ！」口窒窒到呢！

来源: nextplus

Like 玩嘢兄弟团 Facebook！带大家玩翻全马high翻天～❤》请点我!

Like Rojaklah Facebook！不出门也能知天下事～～》请点我!