《親親我好媽》大講港媽話題熱爆全城，其中廿幾歲扮小情侶的 何廣沛 (Matthew)和江嘉敏(Kaman)成功搶鏡之餘仲引來不少爭議，當中梗係有讚有彈，不過入行五年的Matthew可塑性認真高， 2014年已經在《女人俱樂部》扮過吳啟華學生版，去年在《律政強人》就演方中信徒弟仔阿Nick彈出 ，仲攞到星和無綫電視大獎2016「TVB最佳新人獎」，今年更獲無綫力捧，一連在兩線劇《財神駕到 》和《親親我好媽》都擔任重要角色，直頭係洗腦式入屋，真係唔怕你睇厭，最怕你唔知佢係邊個啫 ！

原來Matthew中學時曾就讀赤柱聖士提反書院，中三時隨家人移民到三藩市，曾經在美國加州州立大 學讀會計系，但讀咗年半就回流香港，曾經做過model，之後在2012年加入了無綫第26期的藝員訓練 班，做鄭丹瑞學生。據Matthew講，他早在入行前已經認識「天堂鳥」成員Lincoln，曾經有機會加入 「天堂鳥」玩MK-Pop，不過無綫落order要Matthew專心拍劇，結果Matthew受到無綫力捧，捱咗唔 使五年就捱出頭！

2012年入行前，Matthew曾經做過model仔，為商場活動做宣傳。

入讀第26期藝訓班，一班同學仔和「旦爸」感情勁好，經常一齊飲茶、打波。

讀完半年的藝訓班課程，Matthew話從「旦爸」身上學識好多做人道理。

2013年，Matthew曾在《超級無敵獎門人終極篇》做獎品先生，似足《美女廚房》入面班味之天使！

Matthew父母都好支持囝囝演藝事業，仲曾經到電視城探班。

做獎品先生，唔少得着背心露麒麟臂，再加埋招牌Super手勢！

同年仲有在第一輯《愛·回家》循環復活，演繹多個不同身份名字的小角色。

未紅時咩都要做，2014年Matthew就曾扮唐僧，為無綫宣傳內地劇《西遊記》，比起扮孫悟空同豬八戒已經算係筍job。

同年Matthew在《女人俱樂部》飾演年青版吳啟華，初露頭角。

當時25歲的Matthew扮演80年代校草，斯斯文文幾吸引。

仲被封做麥當當王子！

2015年《樓奴》做麥包個仔，係大學生兼係電腦神童，仲媾掂女神岑麗香。

2016年在《殭》客串做鹹濕殭屍，只有幾個鏡頭，一出即死！

同年《律政強人》演方中信徒弟仔阿Nick彈起，同方中信、廖啟智都有勁多對手戲。

這個角色令他成功攞到《星和無綫電視大獎2016》的「TVB最佳新人獎」。

倉底翻生劇《巾幗梟雄之諜血長天》入面，Matthew都有份做其中一名遊擊隊員。

去年12月TVB台慶，Matthew為康華、馬蹄露、樊亦敏合唱的〈伊人當自強〉伴舞，勁晒麒麟臂。

近日Matthew在8點鐘《財神駕到》做有錢仔，8點半《親親我好媽》就變學生哥，年齡跨度勁大。

《親親我好媽》入面Matthew同江嘉敏做一對，但一個男仔竟然知道少女漫畫內容，仲學人玩壁咚， 直頭係媾女王啦！

左起陳婉婷(27歲)、郭子豪(25歲)、江嘉敏(22歲)同Matthew一齊扮中學生，以28歲Matthew年紀最大 ，真係睇唔出！

早排Matthew剛拍完套新劇《超時空男臣》，劇中和蕭正楠、曹永廉組成穿越三劍客，雖然他在三人中實際上最後生，但外表睇落竟然差唔多！

最近Matthew為拍新清裝劇《天命》要剃光頭，仲要同陳展鵬做父子，但其實兩人只相差12歲！

Matthew好孝順，唔使拍劇時經常都會同屋企人一齊食飯，右一係Matthew家姐。

最後再來一張Matthew的chok爆童年照！

来源: 东方新地

Like Rojaklah Facebook！不出门也能知天下事～