▲全得呢班好友，「明心戀」先可以成長得咁快。（資料圖片）

【on.cc東網專訊】 馬國明與黃心穎秘戀一年多，兩人的圈中好友都按照馬國明意思「低調」處理「明心戀」， 「阿妹」唐詩詠更明言身邊人「唔好加把嘴」！

一班「是非精」Friend過打Band，唔知佢哋又知唔知好姊妹同男神秘撻？麥美恩就話：「啱啱喺加拿大返嚟， 唔好意思，我仲Jet lag緊，佢（黃心穎）點答？我就真係唔知喎，要問番佢先！不過無論邊個『是非精』拍拖、同邊個拍拖，我都戥佢高興！」

李佳芯則回應到：「呢一年各有各忙同佢（心穎）好少見，都好少講感情事。如果係真當然要恭喜吓，始終男未婚、女未嫁，係開心事！」

「阿哥」同心穎BB拍拖，冇嘢瞞得過「細妹」唐詩詠啩？唐詩詠：「你啱啱同我講先知喎！佢哋嘅事梗係等佢哋自己講啦！身邊人唔好加把嘴！」她坦言曾與心穎合作， 問到兩人是否合襯？她笑說：「唔講呢啲喇！」

譚嘉儀與馬國明合作拍劇而變得相熟，有指對方與黃心穎拍拖，她說：「呢個真係唔知，我哋淨係傾音樂同拍劇，少講感情， 你哋要問佢先知。（覺得佢哋襯唔襯？） 馬國明同好多人都襯， 佢咁和藹可親！」

黃智賢正與心穎合作無綫新劇《雜警奇兵》，問到可有見過馬國明探班？他說： 「未見過。（有冇見心穎開工時甜絲絲？） 佢對住C君就甜絲絲，劇入面佢哋係一對。（佢同馬國明襯唔襯？）佢同個個都襯，人見人愛，一陣等心穎返嚟都會八卦問吓！」

来源: on.cc

Like Rojaklah Facebook！不出门也能知天下事～～