黃曉明大哥貴為baby最愛最愛最愛食的「海綿蛋糕」。黃曉明錫Angelababy錫到濃就眾所周知，有網民更稱他為「完美老公」、「寵妻狂魔」，曉明更在節目中豪言「我的錢都是Baby的」令人都聽到都寒一寒，凍一凍。不過唔知曉明大哥尼種獨門土豪式冧女大法大家又受唔受啦。

1.旋風式橫掃Haagen-Dazs 只為博Baby一笑

黃曉明的好友賈乃亮早前於大陸綜藝節目中爆料，黃曉明為了Angelababy的一句「想食Haagen-Daz」，便把橫店整條街上所有能買到的Haagen-Daz全買回來，並租下一個冰櫃擺放。仲霸氣同老婆講「Baby夠你食幾個月的」，土豪式寵妻行為嚇呆眾人。

數學題 :

小編睇完後計一計，成條街的分分鐘有成二萬幾杯Haagen-Daz，要三個月內清晒，睇來Baby每日至少要一打一打咁食先清得晒。咁食法，想唔肚痛都好難！

不過網民就唔多buy啦，分分表示好浪費兼自私。小編表示：土豪式浪漫我又識條鐵 ?! ( 那有……自己諗)

2.生日驚喜送林寶堅尼 人肉速遞來港給Baby驚喜

還記得14年時韓劇《來自星星的你》剛播完，兩人又就於大坑上演真人Show。話說曉明大哥神秘到港，仲好叻叻豬咁暗藏自己在林寶堅尼入面，務求要為Baby制造一個完美的驚喜。

當然啦Baby一出來見到就笑到停不到口，仲有點眼濕濕。當時相當轟動，仲葡萄死一眾絲打tim~

繼小編話齋，只要有心，就算收到一輛玩具車都已經開心又窩心。拍拖，不用每次都幾百萬幾千萬先叫驚喜同有心。

3.花盡心思氹Baby 用成千枝玫瑰花盡千金佈置生日party

每年Baby生日，她的老公豬總會花人力物力同大量雄厚的財力制作驚喜。當然，Baby的27歲生日也不例外。當日生日party，Angelababy扮成動畫《美少女戰士》的「月野兔」，而老公黃曉明咬著玫瑰打扮成「燕尾服蒙面俠」。

仲用動用左成千技玫瑰拼出了有美少女戰士以及代表Angelababy的A字給她作驚喜。

看來「海綿蛋糕」都經常狂掃大量玫瑰~

4.豪花千萬娶Baby

講到曉明同baby兩人最土豪式的浪漫，最不得不提就是他們的婚禮。黃曉明平時已經錫Baby錫都，結婚為一生人一次的人生大事，曉明大哥當然絕不馬虎。曉明大哥深知Baby非常鍾情於玫瑰花，婚禮現場佈滿過萬千玫瑰。

婚禮現場花藝來自國內頂尖花店野獸派，據說野獸派這次請出了曾經為Dior高定佈置秀場的法國花藝大師Eric Chauvin擔任花藝總監，出動了200名中法花藝師。

套婚紗還要是由是由Dior為她量身設計的，上面佈滿玫瑰花

5.千萬鑽戒俘虜Baby心

最後，真是不多講，見到Angelababy隻結婚戒子粒石咁大粒，兩隻字講完：財力。

最最最最後，其實小編講得兩個人在一起，就算是鹹魚白菜都會好好味。只要是真心鍾意大家，就算是餐餐捱m記又有乜所謂啊。所以，土豪式浪漫小編就唔多受了，唔知大家又受唔受啦？

来源: New Monday

Like Rojaklah Facebook！不出门也能知天下事～～