◤ 陈展鹏向胡定欣求婚? ◢ 他们才被传拍拖3个月,没想到竟然是真的,而且还拉埋天窗?


因為拍劇而撻著嘅39歲陳展鵬同35歲胡定欣,今日有周刊報道話佢哋0依家孖住拍《同盟》,日日寓工作於拍拖,喺日夕相對情況下,陳展鵬秘密向定欣求婚,0依家只係等女方點頭。

報道話自從佢哋拍拖睇鄭秀文演唱會被撞破之後,陳展鵬全程做定欣嘅專屬司機,每日返工放工都管接送,又成日以鄭秀文啲情歌傳情,喺拍拖唔夠3個月嘅情況下,最近仲送咗同款嘅戒指俾定欣做訂情禮物,甚至送埋公仔俾佢陪瞓。雖然佢哋試過喺電視城俾人見到雞啄唔咁撐枱腳,但係喺人前表現好避忌,喺上周五佢哋兩個喺銅鑼灣開工,因為圍觀嘅人好多,所以佢哋兩個好少交談。

講到嗰隻訂情戒指,報道話有知情人士透露,有人問過定欣點解戴住隻咁ROCK嘅戒指,定欣笑得好甜,大家咪知唔係佢自己買。雖然展鵬用啲過時嘅追女招數,好似憑歌寄意兼送公仔,但係定欣都好受落,不過就算展鵬已經向佢求婚,但係佢都想了解一下,始終拍拖時間唔係長,都希望諗清楚。


Like Rojaklah Facebook!不出门也能知天下事~~❤

 

 

 

 

 

来源:苹果日报