久未拍TVB劇的蒙嘉慧,月前出席活動時身形明顯暴脹,被人誤會同老公鄭伊健造人成功,但原來只係因為去旅行食多咗,當時Yoyo仲口口聲聲話會減肥!點知事隔一排,日前再出活動的Yoyo竟然比之前再肥咗一圈,體重高達130磅!Yoyo仲自爆被伊健嫌肥添!

Yoyo日前以黑衫遮肥肉,佢話減肥太難,加上之前去完旅行,又食肥咗,「連續幾晚同伊健一齊食一個月餅,一定好肥,加上又去咗英國旅行,所以就變成咁!」又自爆老公開始嫌棄,「佢同你哋係咁講(鍾意我肥),返到去咪一樣話我肥!」

近期Yoyo每次出活動都係一次肥過一次,今年5月着工人褲白tee現身,被人狂笑似大肚婆,當時Yoyo誓言要努力減肥,之後俾老公笑佢得把口,仲話會送健身器材俾老婆做生日禮物!

其實睇番Yoyo以前真係好瘦,面尖尖手腳又幼,同伊健結婚時更加係索到爆!不過肥即係代表Yoyo生活美滿唔使愁,少少幸福肥都冇所謂啦!

Like Rojaklah Facebook!不出门也能知天下事~~❤ 

 

 

 

 

 

 

来源:东方新天地

Comments

comments