◤《城寨英雄》花曼的结局原本不是死掉的!?◢ 王君馨自爆她最爱的镜头被删了！原本和牙佬不是这样悲剧收场的~最后应该是…… o(〒﹏〒)o
by |
【被消失的結局】王君馨爆溫馨鏡頭被刪
又話不見不散嘅。（哭）
【on.cc東網專訊】 劇集《城寨英雄》終於大團圓結局，「刁蘭」胡定欣同「拳佬」陳展鵬一招法式濕吻，成功打敗「終極Boss」砵仔糕老闆「楊竹鑾」（歐瑞偉飾），都真係幾surprise，仲有網民想「花曼」王君馨同「龍成虎」伍允龍翻生，話佢哋之前犧牲得好唔抵！
花曼同牙佬嘅呢場戲，觀眾都係無緣感受。
之前花曼一死令王君馨人氣爆燈，連陸永嘅囡囡都因為佢「慘死」而喊到啜泣，總之就全城陷入洋蔥狀態。早前王君馨就爆料指「花曼」會喺最後一集入面再度登場，佢仲喺尋日結局出街之前就寫晒文上社交網，話約定大家喺佢同「牙佬」袁偉豪定情嘅九記麵檔見，仲講到不見不散咁話。
如果《城寨》拍續集，花曼會唔會以另一個方式出現呢？
尋日睇完成個結局，大Boss死咗，刁蘭同拳佬雙宿雙棲，咁花曼呢？睇完都仲未見人嘅？播完大結局之後，王君馨終於自己開估，原來本身佢同牙佬仲有一段溫馨談情戲被刪，佢自己本身都好期待㗎，仲話係佢自己好鍾意嘅一場戲㖭，可惜……最後都係冇播出街，都咪話唔sad！王君馨寫道：「一場我很喜歡的戲，但最終卻沒有在螢幕出現。即使他們相隔很遠，但他們的心永遠在一起！」
来源：hk.on.cc