7720236

無綫話題劇《城寨英雄》進入結局篇,觀眾由第一集問到依家、當年段通天被殺的真相終於揭曉,而且幕後黑手竟然係好好先生楊老闆,絕對係人不可貌相!於是觀眾開始猜想,會有更意想不到的終極Boss即時出現。由於再有新奸角登場的可能性較低,所以有劇迷提出理據,呢個終極Boss好可能係三姨婆(梁舜燕飾)!

7720237 77202387720239

《城寨英雄》日前一集講到一直表面和善、全力支持福利會的砵仔糕廠老闆楊竹鑾(歐瑞偉飾),原來係刁蘭(胡定欣飾) 隸屬的殺手組織、六十甲子殺手組織其中一員,武功高超,當年佢受命協助三大惡人柯萬長、馮春美(吳家樂飾) 及福壽金(林偉飾) 將兩位八極宗師迫入絕路。另外佢亦自爆,段通天當年就係被佢殺死!

雖然已知楊老闆就係當年段通天被殺、朝猛山被害的幕後黑手,不過唔少觀眾依然覺得佢仲未係終極Boss,因為佢曾經提及「會長」呢個人。日前就有劇迷猜測到邊個係終極大佬,而且有根有據,提出五大指控,佢就係… 三姨婆!

7720240

有劇迷非常有心地整咗一張三姨婆「成魔之路」圖,首先話佢當年其實唔係救走年幼的朝陽,而係將佢捉走!結果讓朝陽朝霞兄妹失散十多年。之後又指佢故意隱藏身份,因為佢當初重返城寨時,並冇透露自己係朝家的家人,反而搞笑地話自己係睇豔舞的客人,藉此坐順風車,仲唔係有陰謀?

772024177202427720243

第三張圖更搞笑,指控三姨婆挑撥刁蘭及花曼兩女爭仔,為爭得牙佬而鬥法!雖然劇中兩女在髮廊過招,最終累三姨婆對腳濕曬又成頭粉,不過如果從一開始三姨婆話要去洗頭,其實係借機挑撥兩女的話… 其實會唔會諗多咗。

7720244772024577202467720247

第四指控實在令人忍俊不禁,因為罪名係「煽動刁蘭除Bra」!其實該集講到三姨婆與爛賭發對賭,但被對方以紅底褲邪住,所以輸曬錢!於是刁蘭以牙還牙,邊咆哮邊露出紅色Bra帶,真係咩賭運都俾佢趕走曬!原來三姨婆係有心要對方除Bra相助!

7720248

三姨婆雖然一把年紀,不過依然好好火,聯同拳佬刁蘭一齊大叫「小你!」咁有霸氣,就算佢係終極Boss都合理的… 好似係。

 

来源:thegreatdaily

Comments

comments