早前無綫節目《沒有起跑線？》中，一位媽媽語出驚人指現時的小孩子「贏在起跑線」已經唔夠，更要「贏在子宮裏》甚至《贏在射精前》，令大眾不禁再次關注小孩子在成長路上競爭激烈，壓力沉重。不過如果講到「贏在子宮裏」，就不得不提一班明星的後裔！作為明星後代經常會暴露在鎂光燈下，一舉一動都備受關注，更重要係佢哋遺傳到父母的優良基因，甚有星味！如果佢哋隨父母腳步踏入娛樂圈，到時眾男神女神就肯定有一番龍爭虎鬥！唔講咁多，大家自己慢慢欣賞！

上山詩鈉女兒Hilary

藝人上山詩鈉雖已經51歲，不過樣貌身材都保養得甚好，係圈中有名的「美魔女」。佢女兒Hilary完全遺傳到媽媽的美貌，小時候已經係十足的美人胚子，現時長大後更是散發陣陣仙氣，係公認的「至索星二代」！

Hilary與媽媽感情要好，不時孖住出席公開場合，唔少人大讚佢哋似姊妹！

對住鏡頭輕輕一笑已經足以殺死人！

Hilary現時在外國讀書，在社交網絡非常活躍，經常上載自己靚樣，仲有同朋友四處玩樂的相片。而且Hilary都好大方晒fit爆身材及健康膚色，真係冇得輸！      

梁家輝大女Nikkie

影帝梁家輝大女Nikkie有一雙水汪汪的大眼睛，笑容甜美，而且擁有魔鬼身材，IG有兩萬幾followers！Nikkie長年在外國讀書，習慣了外國人較開放的風氣，早年曾上載性感露半球、夜店狂歡及攬啜友人等相片，不過事後極速刪除，相信係因為激嬲咗嚴父家輝！

Nikkie非常愛自拍，IG有大量自拍靚相，亦當然唔少得晒身材啦！

Nikkie早已名花有主，佢經常在網上大晒自己同鬼仔男友的合照。

梁家輝細女Chloe

家姐Nikkie樣貌身材出眾，妹妹Chloe亦唔失禮，同樣擁有甜美笑容及fit爆身材，不過小編就覺得Chloe感覺上比家姐斯文內儉，比較有乖乖女feel！

兩姊妹都咁正，行出街真係即時成為焦點，男士們睇到眼甘甘！

Chloe不單與家姐Nikkie姊妹情深，關係甚佳，而且同爸爸家輝亦感情深厚，三父女不時都齊齊去玩，剩係睇上圖三人拖住手都知佢哋有幾close！

邱淑貞大女沈月

邱淑貞(豆斗)作為九十年代的性感女神，係唔少男士心目中完美的化身，不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨，其中長女沈月生得亭亭玉立、氣質出眾，皮膚及標緻面孔都甚母親的影子！雖然沈月平日多以淡妝或素顏示人，不過都足以睇到佢係個美人，相信過多幾年後能與母親匹敵！

沈月經常都被影到與母親孖住行街，兩人總係被稱讚「好似樣」又或者「似兩姊妹」。有性感女神的強大基因，沈月都明副其實係「贏在子宮裏」啦啩！

苗僑偉女兒苗彤

又係典型「贏在子宮裏」的例子，「三哥」苗僑偉與太太戚美珍兩人都是獨當一面的藝人，女兒苗彤便盡得兩人優良基因，五官精緻之餘，笑容相當迷人，唔少人都覺得佢有潛力加入娛樂圈！早年苗彤在著名學府英屬哥倫比亞大學 (UBC)畢業，三哥夫婦專誠飛到加拿大參加其畢業禮，幸福得羨煞旁人。苗彤讀書叻又靚女，贏晒！

苗彤過去在國際學校讀書及在外國留學，一向性格奔放，不時都會在網上大晒惹火身材！

不過苗彤早年曾被爆多張夜蒲照片，三哥即時怒火中燒，告誡女兒要小心處理私人照片。

周汶錡兒子Jacques

名模周汶錡2012年與法藉男友Julien成婚，2015年就誕下混血兒子Jacques。Jacques作為混血兒已經得天獨厚，深得父母遺傳靚靚基因，非常俊俏。而且擁有一雙精靈大眼，可愛又鍾意笑，難怪一向cool爆的Kathy都被個仔融化，成日上社交網晒仔啦！

Jacques仔面豬紅卜卜，搞到小編想瘋狂搣佢！

梁詠琪女兒Sofia

高妹梁詠琪2011年與西班牙老公藉Sergio結婚，四年後誕下混血女兒，取名Sofia。人們經常羨慕混血兒總比一般孩子可愛，呢個亦係事實，Soifa年紀輕輕已經長得一副美人胚子，輪廓突出，係一個可愛的鬼妹仔。有混血兒呢個先天優勢，再加埋媽媽GiGi的優良遺傳，Sofia成為大美人都係指日可待！

来源：东方新地