【女神钟丽缇又结婚啦❤】 第三度结婚,幸福下嫁小12岁男友张伦硕!Sweet爆全世界~


45歲嘅鍾麗緹,曾經歷兩段婚姻,兼且育有3名女兒,去年同比佢年輕12年嘅大陸演員張倫碩,因合作真人騷節目《如果愛》第二季撻着,噚日佢哋錄《如果愛》節目時,張倫碩突然向鍾麗緹求婚,鍾麗緹亦恩然大方答應對方求婚。

噚日,鍾麗緹同張倫碩一齊錄影《如果愛》第三季前,鍾麗緹都有喺微博上提到:「現在没有如果,只有愛!如果愛第三季,你們準備好了嗎!」點知原來唔係我哋準備好未,其實係張倫碩一早已經準備好向佢求婚。

首先,張倫碩請咗4位外籍舞蹈員幫手,佢哋一齊又唱又跳,之後就請咗鍾麗緹上台坐下,跳完舞後,舞蹈員就離開,留下鍾麗緹,張倫碩就講:「我們從《如果愛》走出來的,所以我覺得在節目結束的時候,都比大家一個更好的開始,全世界都看到我曾經講過我會對你(鍾麗緹)負責任的,我希望可以給你快樂,和永遠的開心,希望你可以嫁給我?」語畢,張倫碩就攞咗戒指跪低,再說:「你願意嫁給我嗎?」現場嘅人都一齊起哄:「嫁給他!嫁給他!…」鍾麗緹睇到後都有啲意外,但好快就冷靜落嚟,吸一口氣答:「我願意!」之後張倫碩就衝上去抱住鍾麗緹親吻,場面十分感人。

鍾麗緹喺微信朋友圈寫道:「特別感謝湖北衛視,如果愛這個節目,沒想到通過這個節目,我能遇到倫碩,找到我生命中的真愛,我覺得愛是沒有國界、語言,年齡的限制的,特別希望大家能夠像我們一樣,如果愛,勇敢的愛!」

 

 

 

 

 

来源:苹果日报