“香港先生”选举（Mr. Hong Kong）系TVB自2005年起举办慨男士选美活动，总决赛喺每年 7月或8月期间举行，大会口号为“创造男人新主义”。参赛者经过唔同形式慨筛选而进入总决 赛。节目于2012年起全面停办，总共搞左6年咁大把。 以下十几位“香港先生”虽然仲活跃喺娱乐圈，但真正上到位慨又有几多个？

【高钧贤】

先讲2005年首届港男冠军，高钧贤系比蔡思贝更早似木村拓哉慨选美参赛者。虽然初时靠个 样，加上选举表现得到司仪Do姐加持，捞到2007年有得拍仓底剧《幕后大老爷》做男二，但越 捞越霉，《寒山潜龙》要非礼阿婆，自己都顶唔顺而约满走人。离巢后除咗搞餐厅、车房生 意，仲返内地拍剧《山海经之赤影传说》，同剧仲有关智斌。

【郑健乐】

2005年“健力组”冠军，总冠军败于“潇洒组”冠军高钧贤后签约TVB拍剧，不过亦有眼利网 民发现佢早于1997年星爷慨《算死草》就已经做过陪审员。Rocky演出戏集颇多，多属过镜角 色。本为健身教练慨Rocky，玩 CC fitness慨新《爱回家》自然预埋佢。网民撑得啱，如果睇张 振朗、何君诚慨，横掂都系无演技，起码Rocky睇得开心先。

【黄长兴】

2005年港男健力组败于Rocky；入行10年，演技、口才都普通，睇《凑仔攻略》就知。不过似 乎专心搞法国餐厅居多，TVB似客串性质，咁咪醒咯。

【陈志健】

2006年健力组冠军，总冠军败于黄长发。曾经凭《仁心解码》患自闭症慨子浩、《拳王》慨阿 力被观众网民赞，但小编认为吹大咗。因为都唔好讲“爱瑜珈”无发挥慨角色及剧情，只要睇 过《张保仔》佢做小虎，就知佢净系识凸眼扮嬲，睇得出落力演但就无火，被网民形容为“TVB 刘马车”真系够晒贴切；而且一阵读稿味，又系健力组出身，其实只系“弱版”慨Rocky，应该 要向岳父罗乐林偷偷师。

【姚浩政】

2006年落选港男；主要做主持，据说出面开班好爆满，系咪咁有料观众唔会知道，因为去到边 都仲有阿旦郑丹瑞。拍剧大茄居多，但《使徒行者》因做欢喜哥手下而有不少镜头（上图 右）。

【袁伟豪】

TVB最红的港男，非袁伟豪莫属~

2007年勇夺港男冠军前已有不少幕前经验，例如广告做“维他奶仔”、《新古惑仔之少年激斗 篇》做巢皮、《赌侠1999》做华神细佬、《重案黐孖Gun》信仔等等。签TVB，等到2012年 《On Call 36小时》首次有男三做，平稳普通；去年《拆局专家》首次做男二，剧本唔得以致 演出平平。

代表作一定系胶剧《铁马战车》，就算不计与姚瑶慨感情线，做嬉皮笑脸唔定性慨督察施马Sir 亦唔赶客，而且名义上男二但剧份多过、抢过男一大只斌。系力捧紧，《飞虎》监制林志华疑 似翻炒《无限复活》慨《EU超时任务》就快出街，之后会有《城寨英雄》，即管睇睇值唔值 捧。

【李豪】

2007年港男；多得《爱回家》同马子妮一pair为部分观众所认得，不过就被观众认为太乸型、 讲嘢烦而入唔到屋。演艺路暗淡，不过假假地都同罗钧满、张景淳、沈震轩3个TVB力捧艺人唱 过歌《兽拳战队》。

【何君诚】

2007年曾以涂俊之名演出亚视剧集《激流青春》，由张达明、黄一飞、邵仲衡带新人，包括连 诗雅和仍叫翟锋慨翟威廉。2008年落选港男，so far“代表作”为《爱回家》Billy，死未

【罗天宇】

2008年港男少年组冠军。做大茄，直到2012年《爱回家》马子仁一角入屋，全靠剧中佢和阮儿 Pinky生B，马家有得回巢救何君诚、张振朗。人生最大成就系曾经沟掂苟姑娘，虽然苟姑娘坚 称“好守规矩”。

【温家伟】

“大只仔”2008年港男少年组大热倒灶，入行后通常做傍友或者主角好友，例如《冲线》 慨“贱熊”、《鬼同你OT》慨“慢黑钝”；亦因口音而常做ABC角色，例如《铁马战车》做揸 车问路慨鬼仔。最近演出为《潮流教主》，做难得唔使做奸角慨摄影师“认字特警”助手。

【郭田葰】

2009现场最具人气香港先生，做主持居多，例如《明珠生活》、《港生活∙港享受》。因医生出 身而成为TVB御用医生之一，例如《拆局专家》、《楼奴》、《On Call 36小时》；《实习天 使》做埋顾问之一，但点解咁多甩漏位俾护士插到反艇慨？

【许家杰】

2009年冠军，拉丁舞好手。keep住每年6-10套剧出街慨老是常出现大茄。最近演出有《爱情食 物链》用下栏扮上菜慨厨师Augustino，和《公公出宫》胡定欣内定招亲对象高军。

【翟威廉】

2005年亚洲先生亚军，2009年约满后，2010年参选港男横扫8奖，入TVB做闲角居多。《华丽 转身》已经算有较多戏份。话晒参选时横扫都要系咁咦捧一捧，之后会有套港韩合拍剧《七天 慨浪漫》做男三，脆鱼姐担正，陈智燊做男二，牌面赶客到呢。

【白健恩】

演艺学院跳舞出身，2010年落选港男。从影唯一令观众记得系2012年《法网狙击》迷奸高 Ling。翌年拜徐家杰为师学古泰拳，去年再拜马天乐本合门门下，密谋做影圈打仔。唔知几时 先可以做到下一个伍允龙呢？

上述一堆港男，多数表现、发展都麻麻，得袁伟豪暂时似样（但其实《Sunday好戏王》第1集 已经露露地底～）、Rocky够奇离，其他真系争啲特色同实力。无料唔紧要，起码揾到自己位 置。唔似港姐，三甲如“高音贝”、“陈凯琳”到最近慨邵佩诗、王卓淇，一埋位就女二女三 起跳等做女一，盏观众睇剧睇到想爆粗～

来源：circle01