无綫冇料到,唯有重拍《流氓皇帝》谂住再创经典,点知,因为男主角马国明唔肯签长约,搞到连以外援身份拍剧嘅周丽淇(Niki)都曝光无期。

原本安排於旧年八月出街嘅新版《流氓皇帝》,连宣传片都拍埋,忽然被抽起当然有原因。鉴於无綫闹小生荒,要留人都离不开威逼同利诱,无綫竟然逼马明加签八年合约,遇着反抗,就即时将佢入雪柜,乘机杀一儆百。

可唔可以杀一儆百就未知,不过可以肯定嘅,就系周丽淇无辜中箭,多年冇拍无綫剧,依家签部头约孭飞拍《流氓皇帝》都要被无故抽起;而佢所属经理人公司大岳娱乐都有追问出街日期,但依然被不了了之,令Niki相当无奈。

来源:苹果日报

Comments

comments