回國後，希望成為演員的韓東君一心要考入上海戲劇學院，以報答父母一直以來的疼愛。成功考上後，佢在學時從來冇曠過一次課(佢自己講)，成績優異到拎過獎學金。而男仔讀書時少不免會去酒吧飲酒識女仔，但韓東君都冇去，最多只會同朋友唱吓K。

就算依家成為人氣演員，經常要去唔同地方工作，就更少時間同父母相處。不過韓東君都堅持會抽時間同父母傾電話，而且只係報喜不報憂，話自己過的好好，吃得好好，目的就係唔想父母再為佢憂心。真係好好仔！

「君主」與「君寶」

好多時唔同明星的fans都有唔同的暱稱，例如楊冪的fans自稱「冪蜂」、王大陸的女fans自稱「大陸妹」等。韓東君的fans亦不例外，佢哋平時鍾意自稱「君寶」，並稱呼韓東君為「君主」。呢班「君寶」的組織就叫做「君臨天下」，佢哋有一句口號︰「君臨天下，唯愛東君！」直頭中咗魔咒咁，可見韓東君的魔力有幾厲害……

雖然韓東君係憑《無心法師》成名，不過其實佢都有唔少其他演出，下頁開始睇吓佢其他作品！

《神鵰俠侶》

韓東君回國後被資深製作人于正看中，喺2013年演出人生第一部電視劇《神鵰俠侶》，飾演郭靖與黃蓉的弟子武修文— 即係由細到大都追住郭芙的武氏兄弟中的小武。

《山楂樹之戀》

《山楂樹之戀》本為作家艾米的暢銷作品，2010年被名導張藝謀搬上大銀幕，並於2014年由田沁鑫改編成舞台劇，由韓東君及小彩旗主演。韓東君擔正做男主角「老三」，同女主角「靜秋」發展出一段動人的愛情。

《大好時光》

劇集《大好時光》喺內地深受年輕人歡迎，其中韓東君喺劇中飾演羅一洋，係一位澳洲長大的華人，性格開朗、機智聰明，由90後亦係外國回流的韓東君飾演就適合不過。同《無心法師》相反，韓東君喺呢套劇中換番時裝，形象陽光得多，而且同劇中狗仔有唔少對手戲，俾大家睇到「無心」的另一面！

無論古裝定時裝，都係要除衫！無謂浪費健碩身材嘛！

《雲之凡》

頭先所講的都係韓東君過往的作品，但作為現時內地最炙手可熱的「小鮮肉」，演出機會自然係接踵而來。最新一部係由遊戲《仙劍奇俠傳五》改編而成的劇集《雲之凡》，於2015年11月殺青，尚未在電視播出。韓東君飾演男主角「姜云凡」，故事講述具有蚩尤血脈的他武藝高超，充滿正義感，與其他人物對抗邪惡勢力，維護江湖和平。

比起《無心法師》的薯爆短髮，大家又鍾唔鍾意韓東君呢個長毛look？

来源：东方新地