【内地剧竟然也会红?】TVB播《無心法師》新男神韩东君, 才23岁? 最让网民吓到的是, 原来他也是很厉害的… by Rojaklah编辑部 | 2016年01月11日 娱乐 Share! 內地人氣劇集《無心法師》近日在無綫熱播，劇集有齊型男索女、浪漫愛情仲有密集CG特技等個元素於一身，漸受觀眾歡迎。另外，雖然劇中一眾演員對港人來說比較陌生，不過無阻男主角韓東君成為劇中一大亮點，俘虜大量女粉絲，現在《新地網》就為大家介紹呢位新晉男神！ 韓東君 Elvis Han 出生日期︰1992年7月21日(23歲) 出生地︰哈爾濱 身高︰182cm 演出作品︰《神鵰俠侶》、《山楂樹之戀》、《無心法師》 韓東君家境不俗，初中時去到加拿大留學，回到國內後被資深製作人于正看中，在電視劇《神鵰俠侶》中飾演武修文一角，成為佢的出道作。其後在人氣網絡劇集《無心法師》擔正做男主角，飾演捉妖法師無心，英俊相貌已令佢即時人氣急升，更不時在劇中大晒健碩肌肉，睇到唔少女觀眾尖叫！正式奠定新一代男神地位。 通常每當一個新人上位時，都會封為「翻版乜乜」又或是「嫩版乜乜」等，不過韓東君的情況就比較特別，因為網民認為韓東君的樣貌係集多個男星之大成，劉燁、彭于晏、王力宏、黃曉明、吳彥祖……多到數唔晒，你又覺得佢似邊個？ 比起佢在《無心法師》中的薯爆髮型，換番個時裝look的韓東君似乎更有魅力！ 戴番眼鏡，即刻變薯，得咗！ 韓東君除咗係一位演員，原來仲係一個職業賽車手！韓東君的父親曾經係八一隊的越野摩托車選手，所以佢自小耳濡目染下，亦都愛上賽車，在2013年考到中國汽車運動協會的賽車駕照。 另外雪地電單車同滑雪一樣難唔到佢！ 但正所謂人無完美，幾正的男神都會有其缺憾！網民就話韓東君同另一位美國男神Lucky Blue Smith都一樣，係屬於「笑不得」的類別，一露齒笑就魅力驟降，表情僵硬晒，勁唔自然！睇番上面咁多韓東君的靚相，又真係冇見到佢露齒喎！ 来源：东方新地
