大家成日都系听见我最喜爱男歌手女歌手,最受欢迎男艺人女艺人嘅票选活动。网络红人
琼姐喺社交网站发起咗个与众不同嘅票选活动,一个「like」当一票,选出「2015年度网民最讨厌的十大艺人」。可以反映网民意见嘅同时,又可以俾各大广告商做参考。选举7号结束,大家快啲喺结束前为心水艺人送上一个like啦!
暂时头十位排名:

1
第十位:陈小春

广东惠州市政协高调为反占中发言,加埋过往嘅负面新闻,令陈小春成功上榜。

2
第九位:温兆伦

完全放弃香港市场後,成日喺微博发表爱国伟论嘅「爱国温」曾经举报异见人士。其肉麻爱国伟论唔好话香港网民,连大陆网民都话顶唔顺喎!

3
第八位:成龙

多次发表极大争议嘅言论,例如「中国人要管论」丶「中国电视机爆炸论」等等。於马尼拉前警员劫持香港旅行团事件後,「代表」香港指港人对於是次事件不会愤怒,引起全港市民关注。

4
第七位:汪明荃

汪阿姐用粤剧式嘅独特唱腔演唱《华丽转身》主题曲,成功令广大网民听到头痛,更一度成为网民改歌二次创作嘅对象。无綫节目《Sunday靓声王》上星期啱啱做完,唔知会唔会令阿姐嘅排名有所下跌呢?

5
第六位:吴若希

不断高八度大叫「好劲呀!」「点解嘅?」成功令《至尊街头魔法王》收到14宗投诉,而且成名作《越难越爱》嘅过度洗脑令网民不胜其烦,仲要经常喺电视度见到佢。最近播出嘅剧集《实习天使》又有佢嘅出现。

6
第五位:周永恒

世纪贱男,仲要解释咩。

7
第四位:王晶

微博惹火留言到处树敌,其後更高调为反占中发言,其行为令网民不满。

8
第三位:李思捷

其过度自信嘅演绎方式成功获得广大网民热论。之後於《今晚睇李》嘅作状表现令网民更加生厌。

9
第二位:梁烈唯

成功得罪广大网民嘅唯唯,曾於高登讨论区创下一周内获得15,000个负评记录嘅佳绩,获得「负皮王」嘅称号。佢喺第二位,连琼姐都要帮佢告急!

10
第一位:邓紫棋

「宇宙G.E.M」成功以叫喊式歌声「儿夜姨野以夜儿野」喺内地走红。曾多次被指冇礼貌丶要求国际级待遇等行为令网民嗤之以鼻,仲叫佢上太空开完演唱会之後唔好返嚟喎!

来源:meirihaowen

Comments

comments