去年鄭欣宜(Joyce)因跌水意外導致左腳骨折，當時她曾拍片哭訴，表示擔心腳傷影響4月舉行的紅館演唱會。話咁快兩個多月過去，欣宜的紅館演唱會海報今日出爐，除了大玩「斷腳」元素──打石膏和撐柺杖外，演唱會更命名為《 BREAK a LEG鄭欣宜演唱會2018》，認真有話題！

在今日正式曝光的演唱會先導海報中，欣宜的左腳仍打石膏，亦要坐低拍攝；而身穿黑色低胸連身裙、披上紅軍褸的 Joyce，將紅珠片撒在手上，有如血手撐住柺杖。另一個鏡頭，Joyce 就捧起一個有刺的金色心臟，代表連個心都俾埋觀眾。事關第一個紅館演唱會，對 Joyce 係非常重要，她希望將自己最好的都表現出來，為了演出一定搏命，不顧一切豁出去。

至於今次個唱主題「BREAK a LEG」，除了因為Joyce左腳受傷外，亦另有寓意，Joyce說：「Break a Leg係good show或者good luck嘅意思，因為行內唔興講good luck，又咁啱得咁橋我整親隻腳，所以我哋好想有一樣嘢可以代表到，無論做任何事都要付出努力，同埋表達一種奮鬥嘅感覺。」

来源：新浪香港

Like Rojaklah Facebook！不出门也能知天下事～

Like Rojaklah TV Facebook！随时观看Video，给你Happy给你FUN❤